Мулоқоти Ҳамрохон Зарифӣ бо Абдулло Гул

Ноябрь 3, 2011 16:31

Душанбе, 3 ноябр. (АМИТ «Ховар», Пайрав Назаров). — Дирӯз Президенти Ҷумҳурии Туркия Абдулло Гул бо Вазири корҳои хориҷии Ҷумҳурии Тоҷикистон Ҳамрохон Зарифӣ вохӯрӣ намуд.Дар вохӯрӣ Ҳ. Зарифӣ ба сарвари Туркия номаи Президенти ҶТ Эмомалӣ Раҳмонро супорид, ҳамчунин аз ӯ даъват кард, ки дар вақти ба ӯ муносиб ба Тоҷикистон ташриф орад.Ҳ. Зарифӣ аз созмондиҳии олии Конфронси Истанбул оид ба Афғонистон «Амният ва ҳамкорӣ дар Қалби Осиё» ва имконияти баён кардани мавқеи Тоҷикистон оид ба масоили вобаста ба амният ва рушди босубот дар минтақа ба Президенти Туркия изҳори сипос намуд. Вазири корҳои хориҷии Тоҷикистон аҳамияти гузаронидани чунин конфронсҳоро қайд кард, ки чун майдоне барои ибрози мавқеи кишварҳо оид ба мушкилиҳои мавҷуда хизмат мекунанд, ҳамчунин имконият медиҳанд, то барои зудтар ба эътидол овардани вазъ дар Афғонистон кӯмаки бузург расонида шавад. Тоҷикистон, ки бо Афғонистон сарҳади тӯлонитарин, забон, фарҳанг, урфу одати муштарак ва робитаҳои таърихии умумӣ дорад, ҳаматарафа мекӯшад, то сулҳ ва субот дар ин кишвари азияткашида истиқрор гардад.Дар ҳоли ҳозир Ҷумҳурии Тоҷикистон дар якҷоягӣ бо Афғонистон якчанд лоиҳаро дар соҳаи   барқ ва коммуникатсия бомуваффақият пиёда месозад.Вазир Ҳ.Зарифӣ ба Президенти Туркия аз вохӯрияш бо соҳибкорон ва сармоягузорони туркӣ ва тавофуқҳое, ки зимни сӯҳбат ба даст омаданд, иттилоъ дод.Президенти Ҷумҳурии Туркия зарфияти ҷойдоштаи ҳамкориҳои миёни ду кишварро қайд намуд ва аҳамияти густариши муносибатҳоро дар соҳаи тиҷорату иқтисод ва энергетика таъкид сохт.А.Гул ба ҷониби Тоҷикистон пешниҳод кард, то масъалаи кушодани боз як хатти парвози ширкатҳои ҳавоии туркиро ба Душанбе мавриди баррасӣ қарор диҳад.Роҳбари Туркия муносибати ду кишварро дар чаҳорчӯби ёрӣ расонидан ба Афғонистон махсус тазаккур дод.Дар фарҷоми мулоқот Президенти Ҷумҳурии Туркия Президенти Тоҷикистон Эмомалӣ Раҳмонро барои иштирок дар тантанаҳои ҷашнии «Шаби Арӯс» даъват намуд.

Ноябрь 3, 2011 16:31

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд