Мулоқоти Ҳ. Зарифӣ бо ҳамтои эронии худ

Душанбе, 3 ноябр. (АМИТ «Ховар», Пайрав Назаров). — Вазири корҳои хориҷии Ҷумҳурии Тоҷикистон Ҳамрохон Зарифӣ дар чаҳорчӯби сафари корӣ ба Истанбул бо Вазири корҳои хориҷии Ҷумҳурии Исломии Эрон Алӣ Акбар Солеҳӣ вохӯрӣ анҷом дод.Тавре ки аз раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» иттилоъ доданд, зимни мулоқот ҷонибҳо вазъ ва дурнамои ҳамкориҳои миёни ду кишварро дар соҳаҳои тиҷорату иқтисод, гидроэнергетика ва инфрасохтор баррасӣ намуданд.Вазирони корҳои хориҷӣ ҳамчунин масъалаи марбут ба Афғонистон, бахусус Конфронси Истанбул оид ба Афғонистон «Амният ва ҳамкорӣ дар Қалби Осиё»-ро мавриди муҳокима қарор доданд.Дар охири мулоқот дипломатҳо аз ҳолати ҳамкории дуҷониба изҳори қаноатмандӣ намуданд.