Мулоқоти А. Холиқов бо масъули Вазорати корҳои хориҷии Олмон

Душанбе, 2 ноябр. (АМИТ «Ховар», Дилшодаи Хайрулло). — Масоили раванди татбиқи Қонуни Ҷумҳурии Тоҷикистон  оид ба озодии виҷдон ва баён зимни мулоқоти раиси Кумитаи оид ба корҳои дини назди Ҳукумати Ҷумҳурии Тоҷикистон Абдураҳим Холиқов бо сардори шӯъбаи Осиёи Марказӣ ва Қафқози Вазорати корҳои хориҷии  Олмон хонум Кристине Вайл баррасӣ гардид. Дар мулоқот ҷонибҳо перомуни ҳамкории иттиҳодияҳои динӣ бо мақомоти давлатӣ ва гайридавлатии  Тоҷикистон, аз ҷумла UNFPA, ташкили курсҳои бозомӯзии имомхатибон ва мутахассисони соҳаи дин ва диншиносӣ гуфтугӯи судманд анҷом доданд.Ҳамчунин дар ин мулоқот  Қонуни Ҷумҳурии Тоҷикистон «Дар бораи масъулияти падару модар», фаъолияти донишкада, гимназия ва мадрасаҳои исломӣ дар Тоҷикистон мавриди таваҷҷӯҳи мусоҳибон қарор гирифт. Зикр гардид, ки дар Тоҷикистон 1 донишкада бо теъдоди зиёда аз 1800 нафар донишҷӯ, як гимназияи дорои 600 хонанда ва 19 мадрасаи исломӣ фаъолият мекунад.