Мулоқоти Талбак Салимов бо Дзанг Тсионсин

Душанбе, 28 ноябр. (АМИТ «Ховар», Назир Назиров). – Раиси Кумитаи ҳифзи муҳити зисти назди Ҳукумати ҶТ Талбак Салимов бо ноиби президенти Бонки Давлатии Рушди ҶМЧ Дзанг Тсионсин ва намояндагони дигари бонки мазкур мулоқот анҷом дод. Ҷонибҳо масоили рушду густариши минбаъдаи ҳамкории дуҷониба, таҳлили масъалаҳои муҳими марбут ба экология ва муҳити зист, ҳамчунин тарҳрезии лоиҳаҳои экологӣ ва беҳдошти муҳити зисти Тоҷикистонро мавриди муҳокима қарор доданд.Бонки Давлатии Рушди ҶМЧ барномаи калони фаъолияти кормандони худро иборат аз 27 нафар тартиб додаст, ки мақсади онҳо таҳлили бозор, иқтисодиёт, муносибатҳои мутақобилаи миёни Тоҷикистон ва Ҷумҳурии Мардумии Чин, рушди иқтисодиёти байнидавлатӣ мебошад. Барнома иборат аз 5 боб, яъне иқтисодиёт, кишоварзӣ, минтақаи озоди иқтисодӣ ва истихроҷи ангишт аст. Ҳамаи ин лоиҳаю барномаҳо, аз ҷумла истихроҷи ангишт ва иқтисодиёт, ба соҳаи экология дахл доранд.