Мушкилоти як хоҷагии тухмипарварӣ
Душанбе, 23 ноябр. (АМИТ «Ховар», Лаззат Диловарзод).- Бино ба гуфти сарвари Корхонаи воҳиди давлатии тухмипарварии ноҳияи Файзобод Раҷаб Назиров, хоҷагии мазкур, ки дар заминаи хоҷагии давлатии «Ҳамза» -и ноҳия таъсис ёфта буд, дар водии Ҳисор чун мактаби таҷрибаи пешқадам дар соҳаи картошкапарварию чорводорӣ дониста мешуд. То соли 2002 он ҳамчун хоҷагии давлатии тухмипарварӣ ва аз соли 2005 баъди аз қайди давлатӣ гузаштан ба Корхонаи воҳиди давлатии (КВД) тухмипарварӣ табдил ёфт. Ҳоло КВД тухмипарварии ба номи Абдувоҳид Назиров дорои 5965 гектар замини обию лалмӣ буда, 400 гектари он тавассути пойгоҳҳои обкашӣ обёрӣ мегардад.Айни замон бо сабаби камбудии техникӣ, тухмӣ ва нуриҳои минералӣ пешрафти хоҷагиро наметавон бо солҳои 1985 – 90, ки аз ҳар гектар то 400 – 450 сентнерӣ картошка ба даст оварда мешуд, қиёс намуд.Азбаски КВД хоҷагии давлат мебошад, ба дастгирии Ҳукумати ҷумҳурӣ ниёз дорад. Бемории (вирус) -и нематоди картошка ва гамбусаки колорадиро бе дастгирии давлатӣ аз байн бурдан номумкин аст, зеро он маблағи зиёдро талаб мекунад, вале хоҷагӣ маблағи зиёд надорад. Дар сурати дастгирӣ ёфтан хоҷагӣ имкон дорад беш аз 6 ҳазор тонна картошка истеҳсол намояд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






