Мусоидат ба таъмини ҷойҳои корӣ

Ноябрь 22, 2011 10:40

Душанбе, 22 ноябр. (АМИТ «Ховар», Бекназари Абӯбакр). — Дар назди Сарраёсати Агентии давлатии ҳифзи иҷтимоӣ, шуғли аҳолӣ ва муҳоҷират дар вилояти Суғд маркази ҳамоҳангсозӣ таъсис дода шуд.Вазифаи асосии марказ расонидани хизматҳои машварати ҳуқуқӣ, дастгирии равонӣ пешниҳоди ҷойҳои холии корӣ, бо кор таъмин намудан, додани маслиҳат ҷиҳати ташкили соҳибкорӣ, додани қарзҳои имтиёзнок, бо касбомӯзӣ, такмили ихтисос ва бозомӯзӣ фаро гирифтани муҳоҷирони меҳнатии ба ватан баргашта мебошад.Дар асоси қарори ҳайати мушовараи Вазорати меҳнат ва ҳифзи иҷтимоии аҳолии Ҷумҳурии Тоҷикистон ба шахсоне, ки соҳибкасб ҳастанду ҳуҷҷати тасдиқкунандаи соҳибкасбиашонро надоранд, дар мӯҳлати аз як ҳафта то як моҳ пас аз супоридани санҷиш ба онҳо шаҳодатномаи малакаи касбӣ супорида мешавад. Бо шаҳодатномаи мазкур шаҳрвандон метавонанд дар ватан ва берун аз он бо ҷойи кории доимӣ таъмин шаванд.Аз хадамоти матбуоти раиси вилояти Суғд ба АМИТ «Ховар» иттилоъ доданд, ки Сарраёсати Агентӣ омода аст барои шаҳрвандони бекор ва муҳоҷирони меҳнатие, ки ба ватан баргаштаанд, барои бо ҷойҳои кории доимӣ таъмин гаштан ва ба касби мувофиқ соҳиб гаштан мусоидат намояд.

Ноябрь 22, 2011 10:40

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд