Намояндагони ҷомеаи шаҳрвандии Тоҷикистон гузаронидани мониторингро дар муассисаҳои пӯшида меомӯзанд

Душанбе, 19 ноябрю (АМИТ»Ховар», Музаффар Рустамов). -Аз 21 то 25 ноябри соли 2011 Институти «Ҷамъияти Кушода» — Бунёди Мадад дар Тоҷикистон Фонд ҳамҷоя бо Бюрои САҲА дар Тоҷикистон, Сафорати Британия дар Тоҷикистон ва ҳамшарикии СҶ «Нота Бенне» дар шаҳри Душанбе барои намояндагони ҷомеаи шаҳрвандӣ ва кормандони Ваколатдор оид ба ҳуқуқи инсон дар Тоҷикистон тренинг мегузаронад. Тренинг ба масоили ҳуқуқи инсон ва чӣ тавр гузаронидани мониторинг оид ба риояи ҳуқуқи инсон дар муассисаҳои пӯшида бахшида мешавад. Барои гузаронидани тренинг коршиносони Фонди Хелсинкий оид ба ҳуқуқи инсон (Варшава, Полша) ва коршиносони маҳаллӣ даъват шудаанд. Пас аз тренинги мазкур созмонҳои ҷамъиятӣ дар ҳамкорӣ бо кормандони Ваколатдор оид ба ҳуқуқи инсон дар Тоҷикистон риояи ҳуқуқи инсонро дар муассисаҳои пӯшидаву нимошкорои ҷумҳурӣ аз қабили муассиссаҳои рӯҳӣ, хонаҳои кӯдакон, колонияҳои ноболиғон, қисмҳои ҳарбӣ, колонияҳои ислоҳотӣ мониторинг мекунанд.