Номзади арзанда

Душанбе, 3 ноябр.(АМИТ «Ховар», Марзия Саидова).- Номзадии Сӯҳроб Шарифов –директори Маркази тадқиқоти стратегии назди Президенти ҷумҳурӣ дар конфронси ноҳиявии Ҳизби халқӣ-демократии Тоҷикистон /ҲХДТ/  ҷиҳати иштирок дар интихоботи  миёнадаврии ҳавзаи интихоботии Шоҳмансур №3, ки 18 декабри соли 2011 таъин шудааст,  пешниҳод гардид.Усмон Солеҳ, мудири шӯъбаи таблиғот, иттилоот  ва матбуоти дастгоҳи Кумитаи иҷроияи ҲХДТ гуфт,   пешбарии Сӯҳроб Шарифов, ки дар конфронси ноҳиявии ҲХДТ якдилона ҷонибдорӣ гардид, аз номзади арзанда будани ӯ  шаҳодат медиҳад.Сӯҳроб Шарифов 48 сол дошта, зодаи шаҳри Душанбе аст.  Факултаи фалсафаи Донишгоҳи давлатии Маскав ба номи М.В. Ломоносовро дар соли 1988 хатм намудааст. Доктори илмҳои сиёсатшиносист .Солҳои 2003-2005 мушовири Президенти Ҷумҳурии Тоҷикистон буд ва аз  соли 2005 то инҷониб вазифаи Директори Маркази тадқиқоти стратегии назди Президенти Ҷумҳурии Тоҷикистонро ба ӯҳда дорад.