«Нури Хуҷанд» 10-сола шуд

Душанбе, 14 ноябр. (АМИТ «Ховар», Бекназари Абӯбакр). — 11 ноябр дар «Кохи фарҳанги ба номи Абуабдуллоҳи Рӯдакӣ»-и шаҳри Хуҷанд 10-солагии таъсисёбии ансамбли шашмақомхонони «Нури Хуҷанд» ҷашн гирифта шуд. Ба ин муносибат аз тарафи ҳофизони ансамбли шашмақомхонони «Нури Хуҷанд» бо роҳбарии Ҳунарманди халқии Иттиҳоди Шӯравӣ Ҷӯрабек Муродов барномаи рангини консертӣ тақдим гардид. Ҳамчунин, ба аҳли толор филми ҳуҷҷатӣ оид ба фаъолияти ансамбли шашмақомхонон, ки бо дастгирии Президенти мамлакат созмон ёфтаву ба рушди фарҳангу санъати миллӣ мусоидат менамояд, намоиш дода шуд.Аз хадамоти матбуоти раиси вилоят ба АМИТ «Ховар» иттилоъ доданд, ки раиси вилояти Суғд Қоҳир Расулзода дар ин чорабинӣ ширкат намуда, аҳли ансамблро бо ин ҷашн табрик намуд ва иттилоъ дод, ки бо қарори раиси вилоят барои таҷҳизонидани ансамбл бо асбобҳои муосири навозандагӣ 100 ҳазор сомонӣ ҷудо гардид.