Озмуни «Суруди алла»

Душанбе, 2 ноябр. (АМИТ «Ховар», Лутфия Эшонқулова).-Тибқи нақшаи чорабиниҳои асосии Раёсати  фарҳанги вилояти Суғд  дар ноҳияи Ҷаббор Расулов  озмуни вилоятии «Суруди алла» доир гардид.Тавре ки ба АМИТ «Ховар» аз Хадамоти матбуотии вилояти Суғд хабар доданд, мақсад аз баргузории озмун дарёфти истеъдодҳои нав, таҳкими анъанаҳои мусиқии мардумӣ, сароидани суруди «Алла» ба тарзи зинда буда, аз рӯи шартҳои озмун дар он сарояндагони болаёқат, ки  синнашон аз 18 болост, ширкат варзиданд.Дар озмуни «Суруди алла» -и ноҳия омӯзгорони мактабҳои таҳсилоти умумӣ, мураббияҳои боғчаҳои бачагона, соҳибхоназанон, кормандони ҷамоатҳо  ширкат намуда, маҳорати сарояндагии худро нишон доданд.