Роҳи Равмед сохта мешавад

Душанбе, 19 ноябр. (АМИТ «Ховар», Лутфишо Додоев). – Президенти кишвар Эмомалӣ Раҳмон дар вохӯрии имсола бо сокинони ноҳияи Рӯшон зикр намуд, ки аз номи бошандагони деҳаи дурдасти ноҳияи Равмед мактуб гирифтааст ки онҳо роҳи мошингард надоранд. Сарвари давлат дар ҳамон вохӯрӣ масъулини соҳаро вазифадор намуд, ки барномаро тарҳрезӣ намоянд ва роҳи Ҳиҷез- Равмед дар муддати кӯтоҳ сохта шавад. Пас аз муддате барнома тарҳрезӣ ва сохтмони роҳи мошингарди Ҳиҷез –Равмед бо маблағгузории Вазорати нақлиёт ва коммуникатсияи ҷумҳурӣ оғоз гардид. Имрӯз раёсати таъмиру сохтмони роҳҳои автомобилгарди ноҳия бо техникаи мавҷудбуда дар бунёди роҳ пурмаҳсул меҳнат доранд. Аз ҷониби вазорати мазкур барои сохтмони даври аввали роҳ 100 ҳазор сомонӣ ҷудо шудааст.