Сӯҳбати вазири фарҳанги ҶТ бо ҳунарпешагони сирки ҶМЧ

Душанбе, 14 ноябр. (АМИТ «Ховар», Людмила Дубинина). – Вазири фарҳанги Тоҷикистон Мирзошоҳрух Асрорӣ бо гурӯҳи ҳунарпешагони сирки давлатии шаҳри Пекин, ки бахшида ба 20-умин солгарди Истиқлолияти Тоҷикистон дар сирки давлатии Тоҷикистон ҳунарнамоӣ мекунанд, вохӯрд. Вазир зимни сӯҳбате, ки дар фазои дӯстона сурат гирифт, меҳмонони Чинро хайрамақдам гуфта, ба онҳо мувафаққиятҳои эҷодӣ орзу намуд. Сардори раёсати фарҳанги музофоти Хонани Ҷумҳурии Мардумии Чин хонум Ҷу Син зимни суханрониаш иброз дошт, ки 27 нафар ҳунарпешагони жанрҳои мухталифи сирк беҳтарин намоишномаҳои барномаро пешкаши тамошобинони тоҷик мегардонанд.