Саршумори чорво ба 2 млн. сар наздик шуд

Душанбе, 22 ноябр. (АМИТ «Ховар», Лаззат Диловарзод).- Бино ба маълумоти Агентии омори назди Президенти ҷумҳурӣ, то 1 – уми ноябри соли ҷорӣ саршумори чорвои калон дар ҳамаи сохторҳои хоҷагиҳои дуҳқонӣ (фермерӣ) ва хоҷагиҳои аҳолӣ ба 1 млн. 920 ҳазор сар расонида шудааст, ки нисбат ба ҳамин давраи соли 2010 56,9 ҳазор сар ё 3,1 фоиз зиёд аст. Тибқи маълумоти Агентии омор, дар давоми моҳҳои январ – октябри соли 2011 сашумори бузу гӯсфанд ба миқдори 130,3 ҳазор сар афзоиш ёфтааст. Аз саршумори умумӣ 92 фоизи чорвои калон ва 83,2 фоизи саршумори гӯсфанду буз ба хоҷагиҳои аҳолӣ рост меояд.Ба иттилои ҳамин манбаъ, афзоиши саршумори чорвои калон дар хоҷагиҳои вилояти Хатлон 3,8 фоиз, дар Суғд – 1,4, дар ВМКБ – 1,6 ва дар ноҳияҳои тобеи ҷумҳурӣ (НТҶ) 3,9 фоизро ташкил дод.