Шудгори тирамоҳӣ суст ба роҳ монда шудааст

Душанбе, 4 ноябр. (АМИТ «Ховар», Лаззат Диловарзод).- Бино ба маълумоти маркази матбуот ва иттилооти Вазорати кишоварзӣ, рафти шудгори тирамоҳӣ дар вилоятҳои ҷумҳурӣ суст ба роҳ монда шудааст.
Тибқи дурнамо,  шудгори тирамоҳӣ дар ВМКБ дар масоҳати 7 ҳазору 839 гектар, Хатлон – 305 ҳазору 925, Суғд – 209 ҳазору 145 ва дар ноҳияҳои тобеи ҷумҳурӣ дар масоҳати 95 ҳазору 892 га пешбинӣ шудааст.То 31 –уми октябр дар ВМКБ  ҳамагӣ дар майдони 1 ҳазору 700 гектар, вилояти Хатлон дар масоҳати 39 ҳазору 308 гектар, Суғд  — 21 ҳазору 267 ё ба андозаи 10,2 фоиз ва  дар НТҶ дар масоҳати 8 ҳазору 43 гектар шудгори тирамоҳӣ гузаронида шудааст. Хоҷагиҳои деҳқониро зарур аст, ки шудгори тирамоҳиро, ки асоси баландҳосилӣ дар рӯёнидани зироату полезиҳо мебошад, сари вақт ва бо сифати баланд анҷом диҳанд.