Шумораи гирифторони нашъамандӣ кам шудааст

Душанбе, 11 ноябр. (АМИТ «Ховар», Мавҷуда Анварӣ). — Таҳлили вазъи нашъамандӣ шаҳодат медиҳад, ки имсол ҷараёни асосии нишондиҳандаҳои эпидемологӣ дар муқоиса бо соли 2010 нисбатан мусбат мебошад.  Тибқи маълумоти расмии Вазорати тандурустии ҷумҳурӣ, то 1 октябри соли соли 2011 дар муассисаҳои наркологии кишвар 6 ҳазору 777 бемори гирифтори нашъамандӣ ба қайд гирифта шудааст. Аз ин миқдор 239 нафараш зан аст, ки нисбат ба ҳамин давраи соли гузашта  7,78 % кам мебошад. Бо мақсади таъмини риояи қоидаҳои қонунии гардиши анвои нашъа, маводи психотропӣ ва унсурҳои он дар муассисаҳои тиббӣ, дорухонаҳо ва корхонаҳои саноатии ҷумҳурӣ 203 маротиба тафтиш гузаронида шуда,  барои ислоҳ намудани камбудиҳои ошкоршуда 16 амрнома пешниҳод гардидааст.