Сокинони Роғун барои зимистонгузаронӣ омодаанд ?

Душанбе, 1 ноябр. (АМИТ «Ховар»,  Зебо  Давлатова ). —  Зимистон  дар мекӯбад. Имрӯзҳо дар  минтақаҳои  дурдасти   кӯҳсори  кишвар  боришоти барф  мушоҳида  мегардад. Тавре  мудири   шӯъбаи  ташкилӣ  ва  кор  бо  кадрҳои  раиси   шаҳри  Роғун  Мӯъминшо Тоиров ба  хабарнигори  АМИТ «Ховар» иттилоъ дод,    дар  шаҳри  Роғун   ба  зимистонгузаронӣ омодагии ҳамаҷониба  мебинанд.  Дар  8  нуқтаи   шаҳр  фурӯши  ангишт ташкил    шудааст. Айни замон  дар  назди   КВД «Новак» — и  шаҳр     100 тонна  рег,  2 тонна намак,  5  тонна   сӯзишвории  дизелӣ захира шуда, 7  адад  трактор таъмир   гардида ва барои   зимистонгузаронӣ   омода   шудааст. Мӯъминшо Тоиров  афзуд, ки  то  имрӯз     1500  тонна  ангишт  дастраси аҳолӣ     шуда ва  500 тонна  ангишт  захира   шудааст.