Сухан аз ҳукумати электронӣ рафт

Хоруғ, 24 ноябр. (АМИТ «Ховар», Л.Додо ). – Аз 21 то 24 ноябр дар бинои Донишкадаи такмили маҳорати омӯзгорони ВМКБ семинари серӯза дар мавзӯи «Ба хотири таҳкими тавонмандии мутахассисони ҳукумати электронӣ» барои аъзои Шӯрои оид ба технологияи иттилоотию коммуникатсионии назди раисони вилоятҳо кори худро анҷом дод. Семинарро бо сарсухан мушовири Президенти Ҷумҳурии Тоҷикистон, котиби масъули Шӯро оид ба технологияи иттилоотию коммуникатсионии назди Президенти Ҷумҳурӣ Муҳаббатшоҳ Рӯзадоров ифтитоҳ намуд.Дар семинар роҷеъ ба ин мавзӯъ ва мавзӯоти дигар мушовири Президент М.Рӯзадоров, раиси Академияи маҷозии технологияи иттилоотию коммуникатсионии назди Президенти Ҷумҳурӣ Асомуддин Атоев ва муовини директори Донишкадаи такмили маҳорати омӯзгорони вилоят Ҷобир Мулкамонов сухан карданд.