Сулҳу рушди Афғонистон аз ҳамсоягони он вобастагӣ дорад
Душанбе, 3 ноябр. (АМИТ «Ховар», Мавҷуда Анварӣ). — Президенти Ҷумҳурии Туркия дар Конфронс оид ба Афғонистон «Амният ва ҳамкорӣ дар Қалби Осиё» тазаккур дод, ки минтақа ба шумули Афғонистон дар қалби он дорои захираҳои ғании инсонӣ, иқтисодӣ ва фарҳангӣ мебошад. Абдулло Гул инчунин таъкид сохт, ки суботи вазъ дар Афғонистон, сулҳу рушди ин кишвар ба ҳамсоягони он вобастагӣ дорад ва Туркия, чун тамоми дигар давлатҳо, манфиатдор аст, ки мушкилиҳои ҷойдоштаи Афғонистон ҳалли худро ёбанд.Дар баромади худ Ҳомид Карзай ба рафъи мушкилиҳои мавҷуда дар таъмин намудани субот ва амнияти кишвар таваҷҷӯҳ зоҳир кард. Дар ин росто, Ҷумҳурии Исломии Афғонистон тамоми кӯшиш ба харҷ медиҳад, то вазъ дар Афғонистон ҳарчи зудтар ором шавад. Роҳбари давлати Афғонистон қайд намуд, ки Ҷумҳурии Тоҷикистон ва дигар кишварҳои минтақаи Осиёи Марказӣ барои тавсеа додани ҳамкориҳо бо Афғонистон иқтидори азиме доранд, ки ин ҳам ба манфиати Афғонистон ва ҳам ба манфиати минтақа дар маҷмӯъ мебошад.Дар Конфронс ҳамчунин вазирони корҳои хориҷии Туркия ва Афғонистон, аз ҷумла роҳбарони дигар ҳайатҳои минтақа сухан карданд.
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
