Суръат бахшидан ба корҳои сохтмонии НБО Сангтуда-2

Ноябрь 21, 2011 11:01

Душанбе, 21 ноябр. (АМИТ «Ховар», Пайрав Назаров). — 18 ноябри соли 2011 Вазири корҳои хориҷии Ҷумҳурии Тоҷикистон Ҳамрохон Зарифӣ Сафири Фавқулода ва Мухтори Ҷумҳурии Исломии Эрон Алиасғари Шеърдӯстро ба ҳузур пазируфт.Аз раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» иттилоъ доданд, ки зимни мулоқот масъалаҳои ҳамкориҳои дуҷониба дар бахшҳои энергетика, иқтисод, маориф ва фарҳанг, аз ҷумла ба анҷом расонидани сохтмони нақби мошингузари “Истиқлол” дар ағбаи Анзоб, суръат бахшидан ба корҳои сохтмонии Нерӯгоҳи барқи обии Сангтуда-2 мавриди баррасӣ қарор гирифтанд. Мусоҳибон ҳамчунин дар мавриди масъалаи омодагӣ ба ҷашни байналмилалии Наврӯз, ки моҳи марти соли 2012 дар Ҷумҳурии Тоҷикистон баргузор хоҳад шуд, фикру мулоҳизаҳои худро баён намуданд.Манбаъ ҳамчунин иттилоъ дод, ки дар фарҷоми мулоқот Сафири Эрон ба Вазир нусхаҳоро аз силсилаи “Баёзи адабиёт” тақдим кард, ки ба наздикӣ дар Ҷумҳурии Исломии Эрон ба чоп расидаанд. А. Шеърдӯст хабар дод, ки китобҳои мазкур ба теъдоди 200 ҳазор нусха аз чоп баромада, барои синфҳои 8, 9, 10 ва 11 мактабҳои маълумоти ҳамагонӣ пешбинӣ гардидаанд ва дар рӯзҳои наздик ба Вазорати маорифи Тоҷикистон супорида хоҳанд шуд.

Ноябрь 21, 2011 11:01

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд