Тақсими замини наздиҳавлигӣ ба эҳтиёҷмандон

Ҷиргатол, 22 ноябр. (АМИТ «Ховар», Зебо Давлатова).- Тайи солҳои охир талаботи шаҳрвандон нисбат ба заминҳои наздиҳавлигӣ хеле афзудааст. Тавре раиси кумитаи заминсозии ноҳияи Ҷиргатол Назриддин Худойдодов ба хабарнигори АМИТ «Ховар» иттилоъ дод, соли равон мувофиқи фармони ҳукумати Тоҷикистон дар ноҳияи Ҷиргатол 172,06 гектар замин барои қитъаи наздиҳавлигӣ ҷудо карда шуда, давоми 9 моҳи соли ҷорӣ ба 496 нафар муҳоҷири ихтиёрии ноҳияҳои Рашту Тоҷикобод ва инчунин эҳтиёҷмандони ноҳияи Ҷиргатол тақсим гардид.Назриддин Худойдодов афзуд: аз ҳисоби замини ҷудошуда имконият дорем ба 400 нафар ашхоси ниёзманди ноҳия мувофиқи нақшаи пешбинишуда замин тақсим намоем.