Таҷлили 70 — солагии Ҳ. Пӯлодов дар Суғд

Душанбе, 22 ноябр. (АМИТ «Ховар», Бекназари Абӯбакр). — Даҳаи сеюми моҳи ноябри соли равон дар вилояти Суғд 70 — солагии олим, ходими намоёни давлатӣ Ҳомид Пӯлодов таҷлил мегардад. Аз хадамоти матбуоти раиси вилояти Суғд ба мо иттилоъ доданд, ки бо назардошти хизматҳои назарраси Арбоби илм ва техникаи Ҷумҳурии Тоҷикистон, дорандаи ҷоизаи ба номи Бобоҷон Ғафуров, доктори илмҳои фалсафа, профессор Ҳомид Пӯлодов ва бо мақсади қадршиносӣ аз меҳнати аҳли зиё қарори раиси вилояти Суғд ба имзо расид.Барои дар амал татбиқ намудани қарори мазкур шӯъбаҳои дахлдори мақомоти иҷроияи ҳокимияти давлатии вилоят ва Шӯрои вилоятии собиқадорони ҷангу меҳнат муваззаф гардидаанд.