Таҷлили Рӯзи Парчам дар «Тоҷикстандарт»

Душанбе, 24 ноябр. (АМИТ «Ховар», Бекназари Абӯбакр). — Имрўз бахшида ба таҷлили Рўзи Парчами давлатии Ҷумҳурии Тоҷикистон дар Агентии давлатии «Тоҷикстандарт» бо иштироки кормандон ҷамъомади тантанавӣ баргузор гардид. Дар маҷлиси тантанавӣ директори Агентии «Тоҷикстандарт» Бахтиёр Шукуров оид ба таърих, моҳият ва арзиши волои Парчам ҳамчун муқаддасоти асосии давлатдорӣ ва бардоштани фарҳанги сиёсӣ, ҳувияти миллӣ ва ҳисси ватандўстиву худшиносӣ изҳори ақида намуд.Ҳамзамон дар ҷараёни маҷлис кормандони «Тоҷикстандарт» cухан гуфта, гиромидошти ин рамзи миллиро таъкид намуданд.Маврид ба ёдоварист, ки бахшида ба таҷлили Рӯзи Парчам дар толори варзишии тозабунёди «Тоҷикстандарт» як қатор чорабиниҳои варзишӣ, аз ҷумла мусобиқаи волейбол байни кормандони мақомоти давлатӣ баргузор гардид.