Таҷлили Рӯзи Парчам дар ВМКБ

Хоруғ, 26 ноябр. (АМИТ «Ховар», Л.Додо ). – Дар шаҳру навоҳии Вилояти Мухтори Кӯҳистони Бадахшони Рӯзи Парчами давлатии Ҷумҳурии Тоҷикистон дар фазои худшиносии миллӣ, ватанпарастию хештаншиносӣ, дастгирии дастаҷамъонаи сиёсати ҳукумати мамлакат таҷлил гардид. Дар шаҳри Хоруғ чорабиниҳои ҷашнӣ ба хотири Рӯзи Парчами миллӣ аз раҳпаймоии ҷавонон, ки ҳамагон дар даст парчамҳои Тоҷикистонро доштанд, шурӯъ гардид.Муовини аввали раиси вилоят Исмоил Орифшоев зимни суханрониаш ҳозиронро аз номи мақомоти иҷроияи маҳаллии ҳокимияти давлатии вилоят ба муносибати Рӯзи Парчами давлатии Тоҷикистони соҳибистиқлол табрик намуд.Чунин чорабиниҳо дар ҳамаи ноҳияҳои вилоят низ баргузор шуданд.