Таҷлили Рӯзи Сарқонун дар «Тоҷикстандарт»
Душанбе, 4 ноябр. (АМИТ «Ховар», Бекназари Абӯбакр). — Имрӯз дар Агентии стандартизатсия, метрология, сертификатсия ва нозироти савдои назди Ҳукумати Ҷумҳурии Тоҷикистон бахшида ба Рӯзи Конститутсия («Сарқонун»)-и Ҷумҳурии Тоҷикистон чорабинии ботантана доир гардид. Муовини директори Агентии «Тоҷикстандарт» Миралӣ Олимов аз номи роҳбарияти агентӣ кормандон ва аҳли толорро ба муносибати 17-умин солгарди қабули Рӯзи Сарқонун табрик гуфта, Конститутсияро ҳамчун шиносномаи давлати соҳибихтиёр, демократӣ ва дунявӣ арзёбӣ кард.
Намояндагони Суди конститутсионии ҷумҳурӣ дар ин чорабинӣ роҷеъ ба паҳлӯҳои мухталифи нақши Сарқонун дар ҳаёти сиёсӣ, иқтисодӣ, иҷтимоӣ ва фарҳангии давлату миллат маърӯза карда, санади муҳими муайянсози низоми давлатдорӣ ва кафили ҳуқуқу озодиҳои инсон будани Конститутсияро бори дигар таъкид сохтанд.Дар фарҷом ба гурӯҳе аз кормандони фаъоли «Тоҷикстандарт» аз ҷониби роҳбарияти агентӣ ифтихорнома дода шуд. Аз маркази матбуоти Агентии давлатии «Тоҷикстандарт» ба мухбири АМИТ «Ховар» иттилоъ доданд, ки дар арафаи таҷлили Рӯзи Конститутсия аз ҷониби агентӣ ба мактаб-парваришгоҳи ноҳияи Ҷалолуддини Румӣ кӯмаки моддӣ расонида шуд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
