Таъминот бо ангишт дар Кӯлоб

Кӯлоб, 24 ноябр. (АМИТ «Ховар», С. Холов).-Бо мақсади бе мушкилот пушти сар намудани тирамоҳу зимистони солҳои 2011-2012 дар шаҳру ноҳияи Кӯлоб омодагии хуб дида, дар корхонаю ташкилот ва шӯъбаҳои маорифу тандурустӣ миқдори зиёди маводи сӯхт ва ангишту ҳезум захира кардаанд. Мақомоти иҷроияи ҳокимияти давлатии шаҳри Кӯлоб барои дастгирии собиқадорони ҷангу меҳнат 8 тонна ангиштсанги хушсифатро ба онҳо ройгон тақсим намуд. Ҳокимияти маҳаллӣ ҳамасола ба беморони маркази вилоятии равонпизишкии шаҳри Кӯлоб низ кӯмаки иҷтимоӣ мерасонад. Бо назардошти сард омадани зимистони имсола маркази мазкур бо 1,5 тонна ангиштсанг таъмин карда шуд.