Таваҷҷӯҳи раиси шаҳр ба соҳаи тандурустӣ

Душанбе, 24 ноябр. (АМИТ «Ховар», Бекназари Абӯбакр). — Беморхонаи клиникии рақами 1-и ба номи Султон Ӯрунов аз куҳантарин муассисаҳои табобатии шаҳри Хуҷанд маҳсуб мешавад. Раиси шаҳри Хуҷанд Раҷаббой Каримов 22 ноябр бо мақсади ҳалли масъалаҳои марбут ба беҳдошти хизматрасонии тиббӣ аз беморхонаи шаҳрӣ боздид ба амал оварда, бо фаъолияти шӯъбаҳои муолиҷавӣ, ташхисгоҳҳо, вазъи омодагӣ ба зимистон, имкониятҳои таҷдиди техникии бахшҳои муолиҷавию ташхисӣ ва таъминот бо таҷҳизоти навтарини тиббӣ ошно гашт.Аз маркази матбуоти маъмурияти шаҳри Хуҷанд ба АМИТ «Ховар» иттилоъ доданд, ки раиси шаҳр ба масъулин супориш дод, ки қисматҳои таъмирталаби биноҳои асосиро ҳарчӣ зудтар таъмиру тармим намуда, ҳамчунин барои хариди таҷҳизоти ташхисию табобатии зарурӣ бо ҷалби сармояҳои дохилию хориҷӣ таклифҳо пешниҳод шаванд.