Владимир Садовничий ва Алексей Руденко аз толори суд озод карда шуданд
Душанбе, 22 ноябр. (АМИТ «Ховар», Пайрав Назаров). – Дар нимаи дуюми рӯзи 22 ноябр дар ҷаласаи суди вилояти Хатлон ҳакам айбномаро оид ба таҷдиди назари парвандаи халабонҳои дар Тоҷикистон дастгиршудаи ширкати ҳавопаймоии Русия қироат кард.Айбдорон мувофиқи моддаи 289 (қочоқгарӣ) дар шакли 2 солу 5 моҳу 10 рӯз ва мувофиқи моддаи 335 (вайрон кардани сарҳади давлатии Тоҷикистон) дар шакли 1,5 сол аз озодӣ маҳрум карда шуданд. Ин ҷазо аз рӯи ҷамъи моддаҳо бо василаи ҷамъбасти қисмӣ 2,5 солу 14 рӯзи маҳрумият аз озодиро ташкил дод, вале ҳукмшудагонро, бинобар аз ин пеш ним сол дар маҳбас буданашон, ҳамчунин бо назардошти афве, ки то 1 декабр эътибор дорад, озод намуданд. Тавре ёвари калони прокурори вилояти Хатлон Толибҷон Азимов иттилоъ дод, масъалаи марбут ба ҳавопаймоҳо низ бо тартиби судӣ баррасӣ мешавад. Хотирнишон месозем, ки 8 ноябри соли 2011 суди шаҳри Қӯрғонтеппаи Тоҷикистон ду халабон – шаҳрванди ФР Владимир Садовничий ва ҳамтои эстонии ӯ Алексей Руденкоро ба муддати 8,5 сол аз озодӣ маҳрум карда буд. Сарнишинони ду ҳавопаймои Ан – 72 мутааллиқ ба ширкати ҳавопаймоии Rolkan investmens Ltd – и Русия ба ҷурми қочоқгарӣ, убури ғайриқонунии сарҳад ва вайрон кардани қоидаҳои парвозҳо айбдор дониста шуда буданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






