Вохӯрии навбатии байни «Истиқлол» ва «Энергетик»

Душанбе, 29 ноябр. (АМИТ «Ховар», Пайрав Назаров ). – Имрӯз, 29 ноябр, дар варзишгоҳи «Авиатор» — и шаҳри Душанбе вохӯрии навбатии байни дастаҳои футболи «Энергетик» ва «Истиқлол» баргузор мегардад. Тавре сомонаи клуби футболи «Истиқлол» хабар медиҳад, то имрӯз ин ду даста дар ҷойҳои сеюм ва чоруми ҷадвали мусобиқа қарор доранд. Ҳоло дастаи «Равшан» — и шаҳри Кӯлоб, ки баъди 37 бозӣ 86 хол дорад, пешсафи мусобиқа буда, дастаи «Регар» — «ТадАЗ» бо 77 хол ҷойи дуюмро ишғол менамояд. Қобили зикр аст, ки дастаҳои «Энергетик» ва «Истиқлол» дар мавсими соли ҷорӣ маротибаи панҷум бо ҳам вомехӯранд. Аз ин пеш дастаи «Истиқлол» дар се бозӣ ғолиб омада, як вохӯрӣ мусовӣ шуда буд.