Захира барои фасли сармо

Кӯлоб, 1 ноябр. (АМИТ «Ховар», Ф. Мадаминов). —  Ҷамъияти  матлуботи  шаҳри  Кӯлоб    супоришҳои  Сарвари  давлат  ва  қарори  Ҳукумати  Ҷумҳурии  Тоҷикистон аз  20.09.2011 № 9 «Дар бораи тайёрӣ ва  захираи  маводи  хӯрокӣ ва  сӯзишворӣ ба  фасли  сармо»-ро  дар  амал  татбиқ намуда, аз ҷумла то ин муддат  20 тонна  орд, 79 тонна  пиёз,  82 тонна картошка ва 150 тонна ангиштсанг захира намудаанд.
 
Ба  замми  ин  ҷамъият  барои вуруди  маводи  иловагӣ  бо  ноҳияҳои  Шӯрообод, Ҷиргатол, вилояти  Суғд шартномаҳо  бастааст ва маҳсулот аз ин навоҳӣ  дар  аввали моҳи   ноябр  ба  ҷамъияти матлубот  оварда  мешавад.