Жанр ва маҳорати нигорандагӣ дар васоити электронии ахбор

Душанбе, 22 ноябр (АМИТ «Ховар», Афшини Муқим).-Имрӯз дар шаҳраки донишҷӯёни Донишгоҳи миллии Тоҷикистон конфронси илмию оммавии ҷумҳуриявӣ таҳти унвони «Жанр ва маҳорати нигорандагӣ дар васоити электронии ахбор» баргузор гардид. Дар конфронс муовини ректори ДМТ оид ба илм, профессор М. Каримов сухан гуфт. Инчунин муовини раиси Кумитаи телевизион ва радиои назди Ҳукумати Ҷумҳурии Тоҷикистон Дилафрӯз Амирқулова дар мавзӯи «Телевизион – оинаи ҷомеа», директори барномаҳои радиои Тоҷикистон Абдулқодир Талбаков дар мавзӯи «Радио- маҳвари зиндагӣ», дотсент Саъдулло Ҳайдаров дар мавзӯи «Ҳунари инъикос дар телевизион» ва дигар устодони соҳа дар мавзӯъҳои марбут ба он андешаҳои хешро иброз намуданд.