Зимистон дар мекӯбад

Рашт, 22 ноябр. (АМИТ «Ховар», Зебо Давлатова).- Дар шӯъбаи тандурустии ноҳияи Рашт барои зимистонгузаронӣ 173 тонна ангишт, 177 метри кубӣ ҳезум ва 3750 литр сӯзишвории дизелӣ захира шудааст.Роҳбарони муассисаҳои фарҳангии ноҳия низ ба масъалаи зимистонгузаронӣ диққати ҷиддӣ дода, то ин муддат 55,5 тонна ангишт ва 28 куб ҳезум захира кардаанд. Корҳо дар кони ангишти «Назарайлоқ» нисбат ба солҳои пешин хуб ба роҳ монда шуда, мардум бо ангишти хушсифат таъмин мегарданд. То имрӯз дар ин кон зиёда аз 17 ҳазор тонна ангишт истеҳсол шудааст. Дар кони «Кафтархона» 2500 тонна ангишт истеҳсол шудааст.Дар идораи таъмиру истифодабарии роҳҳои ноҳия барои таъмини ҳолати хуби истифодаи роҳҳо дар фасли зимистон 760 метри мукааб маводи зидди лағжиш захира шудааст.