Ғалабаи таэквандочиёни тоҷик

Душанбе, 1 декабр. (АМИТ «Ховар», Мавҷуда Анварӣ). – Тавре ки аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд, таэквандочиёни тоҷик Алишер Гулов ва Фарҳод Неъматов аз рӯи ин намуд, ки намуди олимпӣ мебошад, аз мусобиқаи қитъавӣ бо роҳхати олимпӣ бо медалҳои нуқра ва биринҷӣ ба Ватан баргаштанд.Дар фурудгоҳ варзишгаронро масъулини Кумитаи ҷавонон, варзиш ва сайёҳии назди Ҳукумати ҶТ, Кумитаи олимпӣ, Федератсия ва мухлисон дар рӯҳияи тантанавӣ пешвоз гирифтанд.Ҳамзамон варзишгаронро раиси Кумитаи ҷавонон, варзиш ва сайёҳии назди Ҳукумати ҶТ — раиси Федератсияи таэквандо (ВТФ ) Маликшо Неъматов ба ҳузур пазируфта, онҳоро бо ин ғалабаи варзишӣ шодбош гуфт ва ба онҳо аз номи президенти Кумитаи миллии олимпии Тоҷикистон Эмомалӣ Раҳмон ба маблағи 5 ҳазор сомонӣ тӯҳфаи молиявӣ супорид. Ёдовар мешавем, ки то имрӯз чор нафар варзишгари тоҷик, аз ҷумла Дилшод Назарови гурзпарто, Анвар Юнусови боксчӣ, Алишер Гулов ва Фарҳод Неъматов аз намуди таэквандо роххати олимпии Лондон 2012-ро ба даст овардаанд.