Қадами дигари Тоҷикистон барои ворид шудан ба СУС
Душанбе, 20 декабр. (АМИТ «Ховар», Бекназари Абӯбакр). — 17 декабри соли ҷорӣ дар Женева дар чаҳорчӯби кори ҷаласаи 8-уми вазирони иқтисод ва тиҷорати Созмони Умумиҷаҳонии Савдо (СУС) маросими имзои Протоколи мувофиқати дуҷонибаи байни Ҷумҳурии Тоҷикистон ва Ҷумҳурии Туркия дар бораи узвияти Ҷумҳурии Тоҷикистон ба Созмони Умумиҷаҳонии Савдо баргузор гардид. Санади мазкурро аз ҷониби Ҷумҳурии Тоҷикистон Сафири Фавқулодда ва Мухтор, Намояндаи доимии Ҷумҳурии Тоҷикистон дар назди шӯъбаи Созмони Милали Муттаҳид дар Женева Салоҳиддин Насриддинов ва аз ҷониби Ҷумҳурии Туркия Сафири Фавқулодда ва Мухтор, Намояндаи доимии Ҷумҳурии Туркия дар назди Созмони Умумиҷаҳонии Савдо Бозкурт Аран имзо карданд. Дар айни замон гурӯҳи кории Ҷумҳурии Тоҷикистон бо намояндагони кишварҳои дигари узви Созмони Умумиҷаҳонии Савдо музокирот мегузаронад. Аз Вазорати корҳои хориҷии Тоҷикистон ба АМИТ «Ховар» хабар доданд, ки дар назар аст рӯзҳои наздик боз бо чанд кишвари дигар дар масъалаи узвияти Ҷумҳурии Тоҷикистон ба Созмони мазкур мувофиқат шавад.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
