Қатъ гардидани ваколати аъзои парлумон
Душанбе, 15 декабр.(АМИТ «Ховар», Марзия Саидова).-Ваколати се нафар узви Маҷлиси миллии Маҷлиси Олии Ҷумҳурии Тоҷикистон – Муним Холиқов, Мансур Қодиров ва Мирзодавлат Сабуров пеш аз мӯҳлат қатъ карда шуд. Дар ин хусус 15 декабр дар иҷлосияи ҳафтуми палатаи болоии парлумони мамлакат қарорҳои марбута қабул гардиданд. Ба истеъфо рафтани онҳо пеш аз мӯҳлат ба қатъ гардидани ваколати аъзои Маҷлиси миллӣ вобаста мебошад, зеро қаблан Муним Холиқов дар вазифаи раиси шаҳри Истаравшан, Мансур Қодиров, раиси ноҳияи Рӯдакӣ ва Мирзодавлат Сабуров дар вазифаи раиси ноҳияи Панҷ фаъолият мекарданд. Вобаста ба қатъ гардидани ваколати аъзои Маҷлиси миллӣ -Муним Холиқов, Мансур Қодиров ва Мирзодавлат Сабуров онҳо аз ҳайати кумитаҳои Маҷлиси миллии Маҷлиси Олии Ҷумҳурии Тоҷикистон хориҷ гардиданд. Бо қарори иҷлосияи Маҷлиси миллӣ Нуриддин Саидов, ки ҳамзамон узви палатаи болоии парлумони мамлакат ва ректори Донишгоҳи миллии Тоҷикистон мебошад, раиси Кумитаи Маҷлиси миллии Маҷлиси Олии Ҷумҳурии Тоҷикистон оид ба ҳамоҳангсозии фаъолияти Маҷлиси миллӣ бо Маҷлиси намояндагони Маҷлиси Олӣ, ҳокимияти иҷроия, иттиҳодияҳои ҷамъиятӣ ва васоити ахбори омма ва равобити байнипарлумонӣ интихоб гардид. Қаблан Муним Холиқов ин кумитаро сарварӣ мекард.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






