Ҳолати роҳҳои кишвар

Декабрь 20, 2011 11:07

Душанбе, 20 декабр. (АМИТ «Ховар», Анварбек Сиддиқов).- 20 декабр дар километри 195-и ағбаи Шаҳристон — шоҳроҳи Душанбе- Чаноқ — тарма фаромад ва дар айни замон рафтуои нақлиёт дар ин шоҳроҳ қатъ шудааст. Тавре ки аз Вазорати нақлиёти Ҷумҳурии Тоҷикистон ба АМИТ «Ховар» иттилоъ доданд, барои тоза кардани шоҳроҳи мазкур аз тарма 3 василаи техникӣ сафарбар шудааст. Дар назар аст, ки то нисфирӯзӣ ин ҳолат бартараф карда шавад. Ёдовар мешавем, ки дирӯз дар километри 192 ҳамин шоҳроҳ тарма фаромад ва кормандони вазорат тавонистанд давоми рӯз рафтуои нақлиётро байни самтҳои ҷанубу шимоли мамлакат таъмин намоянд. Ба иттилои манбаъ дар давоми як шабонарӯз дар ин мавзеъ 13 тарма фаромадааст, ки онҳо пурра бартараф карда шудаанд. Дар баробари ин барои аз бориши барфи шаби гузашта тоза кардани шоҳроҳи ағбаҳои Чормағзак, Шаршар ва Фахробод кормандони ҳамин соҳо аз соати дуи шаб машғули коранд. Дар айни замон дар ин мавзеъҳо васоили техникии барфтозакунӣ ва намакпош сафарбар шудаанд. Ҳаракати нақлиёт дар ин шаҳроҳҳо таъмин карда шудааст. Бо роҳбарии ҷонишини аввали вазири нақлиёти Ҷумҳурии Тоҷикистон Ҷумъахон Зуҳуров гурӯҳи корӣ ташкил шуда, он бо вазъ ва рафти тоза кардани роҳҳои ҷумҳурӣ ошно мегардад.

Декабрь 20, 2011 11:07

Хабарҳои дигари ин бахш

Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд