Ҳукумат лоиҳаҳои санадҳои меъёриро маъқул ёфт

Душанбе, 5 декабр. (АМИТ «Ховар», Людмила Дубинина). — Ҳукумати Тоҷикистон дар иҷлосияи худ лоиҳаҳои санадҳои меъёрии ҳуқуқиро маъқул ёфт. Ин санадҳо аз боҷи гумрукӣ ва андози арзиши изофӣ озод намудани таҷҳизоту технологияҳои дар асосии лизингӣ харидшударо озод менамояд. Лоиҳаҳои зикршуда вақтҳои наздиктарин ҷиҳати баррасӣ ба Маҷлиси намояндагони Маҷлиси Олии Ҷумҳурии Тоҷикистон ирсол мешаванд. Аз ин пеш аъзои Шӯрои машваратӣ масъалаи аз байн бурдани монеаҳои рушди хизматрасонии лизингиро ба миён гузошта буданд. Ба фикри намояндагони бахши инфиродӣ, тартиби мавҷудаи пардохти андози арзиши изофӣ ва боҷи гумрукӣ ҳангоми ворид намудани таҷҳизот сади ҷиддии роҳи рушди бозори хизматрасонии лизингӣ дар ҷумҳурӣ мебошад. Танҳо тайи ду соли охир теъдоди ташкилотҳои баҷооварандаи хизмати лизингӣ ба таври назаррас коҳиш ёфта ва таносубан ҳаҷми фаъолияти лизингӣ кам гардид. Қобили зикр аст, ки тайи се – чор соли охир намояндагони бахши инфиродӣ масъалаи озод намудан аз боҷи гумрукӣ ва андози арзиши изофиро борҳо ба миён гузошта буданд, вале он то имрӯз ҳал нашудааст.Дар ин бора ба АМИТ «Ховар» мушовири Котиботи Шӯрои машваратӣ Азиза Мавлонова хабар дод.