Ҷаласаи гурӯҳи коршиносон

Душанбе, 22 декабр. (АМИТ «Ховар», Покиза Маҳмадбекова ). – Аз 21 то 22 декабри соли равон дар Кумитаи иҷроияи ИДМ дар шаҳри Минск ҷаласаи гурӯҳи коршиносон оид ба мутобиқати лоиҳаи ҳуҷҷатҳои марбут ба ҳамкорӣ дар мубориза бо ҷинояткорӣ баргузор мегардад. Иштирокдорони ҷаласа лоиҳаи Консепсияи ҳамкории кишварҳои Иттиҳод дар мубориза бо ҷинояткорӣ бо истифода аз технологияҳои иттилоотӣ ва лоиҳаи Протокол дар бораи механизми аз ҷониби мақомоти салоҳиятдори давлатҳои аъзои ИДМ супурдани маводи нашъаовар, аслиҳаи оташфишон ва лавозимоти ҳарбиро мавриди муҳокима қарор доданианд.Дар назар аст, ки баъди лоиҳаҳои Консепсия ва Протоколро муфассал мутобиқ намудани коршиносон ин ҳуҷҷатҳо мувофиқи тартиби муқарраршуда ҷиҳати баррасӣ ба Шӯрои сарони давлатҳои ИДМ пешниҳод мегарданд.