Ҷаласаи роҳбарони Хадамоти гумруки ИДМ

Душанбе, 12 декабр. (АМИТ «Ховар», Лутфия Эшонқулова). – Дар шаҳри Остонаи Ҷумҳурии Қазоқистон ҷаласаи роҳбарони Хадамоти гумруки кишварҳои аъзои ИДМ, АвроОсиё ва Иттифоқи гумрукӣ баргузор гардид. Хотирнишон месозем, ки ҷаласаи Шӯрои роҳбарони хадамоти гумрук ҷиҳати баррасӣ ва қабули қарорҳо аз рӯи масоили муҳими ҳамкории байналмилалию минтақавӣ дар соҳаи умури гумрукӣ соле ду маротиба доир мегардад.Дар ҷараёни мулоқот масъалаҳои марбут ба тарбияи кадрҳо, фаолияти мутақобилаи иттилоотӣ, ҳамчунин ҳамкорӣ ҷиҳати назорати содироти амвол ва пардохти гумрукӣ мавриди муҳокима қарор гирифтанд.Дар ин бора ба АМИТ «Ховар» дар Хадамоти гумруки Тоҷикистон хабар доданд.