Ҷоми Ғарби Осиё насиби дастаи мунтахаби Ҳиндустон шуд

Душанбе, 13 декабр. (АМИТ «Ховар», Аловиддин Бӯриев).- Дирӯз дар шаҳри Деҳлии Ҳиндустон мусобиқаи дастаҳои мунтахаби футболи Ғарби Осиё бо ширкати дастаҳои мунтахаби Ҳиндустон, Афғонистон, Бутан, Шри –Ланка, Бангладеш, Покистон, Малдив ва Непал дар ду гурӯҳ ба анҷом расид. Дастаҳои Афғонистон ва Ҳиндустон ба вохӯрии ниҳоӣ роҳхат гирифтанд ва барои муайян кардани ғолиб ва соҳиби ҷом шудан бо хам қувва озмуданд. Ба футболбозони дастаи мунтахаби Ҳиндустон муяссар шуд, ки ба дарвозаи ҳарифон 4 тӯб зада, бо натиҷаи 4 бар 0 пирӯз шаванд. Ёдрас мешавем, ки дастаи мунтахаби Ҳиндустон- ғолиби Ҷоми конфедератсияи футболи Осиё дар соли 2008, якҷоя бо дастахои мунтахаби Тоҷикистон, ғолиби ҳамин ҷом дар соли 2006, Куриёи Халқӣ- Демократӣ, ғолиби соли 2010 ва Филиппин дар як гурӯҳ бозӣ мекунад.