20 соли ҳамкории ИДМ

Хоруғ, 5 декабр. (АМИТ «Ховар», Л.Додо ). – Дар доираи ҳамкории кишварҳои Иттиҳоди Давлатҳои Мустақил намояндагии бахши рушди «Пажӯҳишгоҳи тадқиқотии АвроОсиё» — и Федератсияи Русия дар вилоят мизи мудавварро бо иштироки намояндагони мақомоти иҷроияи маҳаллии ҳокимияти давлатии вилояту шаҳр, васоити ахбори омма, ташкилотҳои ҷамъиятӣ, устодони Донишгоҳи давлатии шаҳри Хоруғ ва донишҷӯён доир намуд. Дар он асосан мавзӯҳои 20 соли фаъолияти ИДМ, дастоварду камбудиҳо дар соҳаҳои сиёсату иқтисод ва иҷтимоиёт, тарғибу ташвиқи ақидаҳои сулҳу ваҳдат, адолатпарварӣ миёни миллатҳо, эҳтироми арзишҳои фарҳангӣ, ахлоқию эстетикии миллӣ ва ғайра мавриди баҳсу баррасӣ қарор гирифтанд.