Ағбаи Шаҳристон кушода шуд

Душанбе, 20 декабр. (АМИТ «Ховар», Анварбек Сиддиқов).- 20 декабр дар километри 195-и ағбаи Шаҳристон — шоҳроҳи Душанбе- Чаноқ — тарма фаромада, рафтуои нақлиётро қатъ намуд. Кормандони Вазорати нақлиёт тавонистанд, сари вақт ин ҳолатро бартараф намоянд. Тавре ки аз Вазорати нақлиёти Ҷумҳурии Тоҷикистон ба АМИТ «Ховар» иттилоъ доданд, дар айни замон роҳи ағбаи Шаҳристон пурра кушода шуда, тавассути он зиёда аз 60 мошини сабукрав ва боркаш ба самти Хуҷанд ҳаракат намуданд.