Афзоиши маблағҳои воридотӣ дар назар аст
Душанбе, 14 декабр. (АМИТ «Ховар», Лаззат Диловарзод).- Тибқи маълумоти омории Бонки ҷаҳонӣ, ҳаҷми воридоти маблағҳои муҳоҷирони меҳнатӣ чӣ барои давлатҳои дар ҳоли рушд қарордошта ва чӣ барои давлатҳои мутараққӣ сол то сол зиёд мешавад. Дар соли 2010 ҳаҷми вуруди маблағҳои муҳоҷирони тоҷик 2,3 млрд. доллари амрикоиро ташкил дод, ки он баробари 31 фоизи маҷмӯи маҳсулоти дохилӣ (ММД)-и ҷумҳурӣ буд. Дар назар аст, ки ин нишондод соли ҷорӣ бештар хоҳад шуд.Бино ба пешгӯиҳои Бонки ҷаҳонӣ, ҳаҷми умумии маблағҳои воридотӣ дар соли 2012 барои тамоми давлатҳо нисбат ба соли 2011 ба андозаи 7,3, соли 2013 – 7,9 ва дар соли 2014 ба андозаи 8,4 фоиз зиёд хоҳад шуд. Бино ба гузориши солонаи Бонки ҷаҳонӣ, Ҷумҳурии Тоҷикистон ба қатори 10 кишвари ба интиқоли маблағҳои пулии муҳоҷирон вобаста дохил шудааст, ки як қисми маҷмӯи маҳсулоти дохилии кишварро ташкил медиҳад. Дар қатори Ҷумҳурии Тоҷикистон ҷумҳуриҳои Молдова ва Қирғизистон аз Иттиҳоди Давлатҳои Мустақил (ИДМ), ки мутаносибан 23 ва 21 фоизи маҷмӯи маҳсулоти дохилиашонро маблағҳои воридкардаи муҳоҷирони меҳнатӣ ташкил медиҳанд, ҷойгиранд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
