Баррасии рӯзномаи иҷлосияи навбатии ШАД СААД
Маскав, 20 декабр. (АМИТ «Ховар», Ҳалима Хушқадамова). – 19 декабр дар шаҳри Маскав дар иҷлосияи муштараки Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯроҳои амнияти давлатҳои аъзои Созмони Аҳдномаи Амнияти Дастаҷамъии давлатҳои аъзои СААД рӯзномаи иҷлосияи навбатии Шӯрои амнияти дастаҷамъии СААД, ки 20 декабр дар шаҳри Маскав баргузор мешавад, мавриди баррасӣ қарор гирифт. Дар иҷлосияи шӯро лоиҳаҳои ҳуҷҷатҳо оид ба рушду такмили низоми вокуниши бӯҳронии истифодаи қудрати СААД (аз ҷумла қувваҳои дастаҷамъӣ), афзун намудани самараи ҳамкории ҳарбӣ, муборизаи зидди хавфу таҳдидҳои имрӯза баррасӣ мешаванд.Лоиҳаи барномаи байнидавлатии ҷиҳозонии қувваҳои дастаҷамъии аксуламали фаврӣ, лоиҳаҳои нақшаи тадбирҳои аввалиндараҷа ҷиҳати ташаккули асосҳои сиёсати мутобиқшудаи иттилоотӣ ва феҳристи тадбирҳое маъқул ёфта шуд, ки мақсад аз онҳо такмили низоми таъмини амнияти иттилоотӣ ба нафъи давлатҳои аъзои СААД мебошад. Дар иҷлосияи шӯъбаҳои Кумитаи котибони шӯроҳои амният қарор дар бораи ташкили гурӯҳи корӣ аз рӯи масъалаҳои сиёсату амнияти иттилоотӣ қабул шуд. Дар ҷараёни иҷлосия ҳамчунин самтҳои афзалиятноки фаъолияти СААД дар ҷараёни раёсати Ҷумҳурии Қазоқистон дар соли 2012 мавриди муҳокима қарор гирифтанд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






