«Барселона» дар финал

Душанбе, 16 декабр. (АМИТ «Ховар», Аловиддин Бӯриев).- Клуби футболи « Барселона» баъди ғалабаи навбатии худ бар ғолиби лигаи чемпионхои кишварҳои Осиё дастаи «Ал-Садд»-и Қатар дар силсилаи дидорҳои шаби гузашта дар бозиҳои чемпионати ҷаҳон байни клубҳо, ки дар Ҷопон идома дорад, ба вохӯрии финалӣ роҳ ёфт. «Барселона» бо натиҷаи 4 бар 0 ғалаба кард. Бо ду тӯб Адриано ва бо як голӣ Сейду Кейта ва Максвелл дар ин ғалаба саҳм гузоштанд. Мутаассифона, дар вохӯрӣ футболбози шинохта Давид Виля ҷароҳати вазнин бардошт ва акнун бо ин ҷурм дар бозиҳои ниҳоии ҷоми Аврупо ва вохӯриҳои ояндаи «Барселона» ширкат карда наметавонад. Дар вохӯрии ниҳоӣ дастаҳои «Барселона» ва «Сантос»-и Бразилия бо ҳам қувва месанҷанд.