Беш аз 3,5 ҳазор сарбоз ба пойгаҳи низомӣ омад

Душанбе, 6 декабр. (АМИТ «Ховар», Марҳабо Зунунова). – Дар пойгаҳи низомии 201 – уми мустақар дар Тоҷикистон табдили нақшавии ҳайати он иборат аз 3 ҳазору 500 нафар анҷом ёфт. Ба ивази низомиёне, ки хидмати ҳарбиро анҷом додаанд, сарбозону сержантҳое омадаанд, ки дар қисмҳои ҳарбӣ ва марказҳои таълими низомии округи марказии ҳарбӣ тарбия шудаанд. Низомиёни навомад таҳти назорати касбию тиббӣ қарор гирифтанд. Ҳайати фармондеҳони пойгаҳи низомӣ иброз дошт, ки теъдоди сарбозони ихтиёрӣ дар соли 2011 беш аз 40 дар сад афзуда, ҳамзамон дар ҷараёни табдили нақшавии ҳайати шахсӣ шумораи ҷузъу том тағйир наёфтааст.