Чорводорон ба зимистон омодаанд

Хоруғ, 5 декабр. (АМИТ «Ховар», Л.Додо ). – Имрӯзҳо дар Бадахшон аллакай зимистон ҳукм меронад. Ба ин хотир чорводорони ноҳияи Дарвоз баробари дигарон ба зимистон пурра омода шудаанд. Масъалан, дар ҷамоати деҳоти баландкӯҳи Сағирдашт бо мақсади аз зимистон солиму фарбеҳ баровардани чорво беш аз 10 тонна хошок ва хӯроки омехтаи чорво захира шудааст.Тавре аз Раёсати кишоварзии ноҳия иттилоъ доданд, ҳоло дар деҳот барои зимистон беш аз 12 ҳазору 452 тонна хошок ва зиёда аз 1200 тонна ғизои омехта захира гардидааст.