«Дурахши истиқлол»
Душанбе, 8 декабр.(АМИТ «Ховар», Марзия Саидова).-Нашриёти «Адиб» маҷмӯаи шоир ва журналисти варзида Давлат Сафарро таҳти унвони «Дурахши истиқлол» бо теъдоди 5 ҳазор нусха аз чоп баровард. «Дурахши истиқлол» гулдастае аз гулбоғи назми шоир буда, ба 20-умин солгарди Истиқлолияти давлатии Ҷумҳурии Тоҷикистон эҳдо шудааст. Дар маҷмӯа ашъори ба тозагӣ эҷоднамудаи шоир, ки ба мавзӯъҳои соҳибистиқлолӣ, ифтихор аз муқаддасоти ватан, шукргузорӣ аз ваҳдату фардои дурахшони сарзамини Тоҷикистон бахшида шудаанд, гирдоварӣ шудаанд. «Нишони ифтихор», «Ватан», «Истиқлолият», «Ғазали истиқлол», «Нишони мо», «Афрохта мо дирафш дар боми фалак», «Ливои мо», «Сарқонун», «Кохи бегазанд» аз зумраи шеърҳоенд, ки дар мунтахаби ашъори шоир гирд оварда шудаанд. Муқова ва дохили маҷмӯаи «Дурахши истиқлол»-ро расмҳои муқаддасоти миллӣ-Парчами миллӣ, Нишони миллӣ, инчунин «Қасри миллат», муҷассаи асосгузори давлати тоҷикон –шоҳ Исмоили Сомонӣ, бинои Китобхонаи миллӣ, табиати зебои Тоҷикистон ва сохтмони иншооти азим, ки шаҳодати раванди бунёдкорию созандагӣ дар кишвар мебошанд, зеб медиҳанд. То имрӯз маҷмӯаҳои шоир Давлат Сафар таҳти унвонҳои «Пайғоми ишқ» (1998), «Шеъри гаҳвора», «Шаҳбол» (2010) ва «Авҷи парвоз» (2011) дар нашриёти гуногун чоп шуда, дастраси дӯстдорони шеър гардидаанд.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






