Эмомалӣ Раҳмон. Даъват ба бозиҳои финалии ҷоми Аврупо

Душанбе, 19 декабр.(АМИТ «Ховар», Аловиддин Бӯриев).- Президенти Украина Виктор Янукович дар ҷараёни сафари сарвари давлатамон Эмомалӣ Раҳмон ба Украина, ӯро ба бозиҳои финалии ҷоми Аврупо оид ба футбол, ки соли 2012 дар Украина ва Полша баргузор мегарданд, расман даъват кард. Президенти кишвари мо якҷоя бо президенти Украина ва ноиби сарвазири ин кишвар, вазири инфрасохтори Украина Борис Колесников аз варзишгоҳи асосии мусобиқа- маҷмааи миллии варзишии «Олимпийский» дидан карданд ва ба президенти мамлакатамон тӯб бо рамзи ин маҷмаа тақдим шуд.