Это’О унвонҷӯи беҳтарин футболбози Африқо

Душанбе, 16 декабр. (АМИТ «Ховар», Аловиддин Бӯриев).- Ҳамлагари дастаи мунтахаби Камерун ва «Анҷи»- Мағоҷқалъа Самуэл Это’О ба қатори панҷ футболбози беҳтарини қитъаи Африқо барои ба даст овардани унвони беҳтарин бозингари Африқо шомил шуд. Это’О аллакай чор маротиба соҳиби ин унвон гардидааст. Соли ҷорӣ барои ин унвон инчунин Андре Айю («Марсел», Гана), Сейду Кейта («Барселона», Мали), Мусса Со («Лилл», Сенегал), Яя Туре («Манчестер Сити», Кот-д’Ивуар) мубориза мебаранд. Рӯзи 22 декабр номи беҳтарин бозингарро дар шаҳри Аккра, пойтахти Гана эълон хоханд кард.