Гурӯҳи корӣ дар Савноб

Хоруғ, 30 декабр. (АМИТ «Ховар», Л.Додо). – Гурӯҳи корӣ бо иштироки мудири бахши дини мақомоти маҳаллии ҳокимияти давлатии ноҳияи Рӯшон Кабудсор Амалдодова барои санҷиши масъалаи танзими расму анъана ба ҷамоати деҳоти Савноб сафар кард. Аъзои гурӯҳи корӣ ба сокинони деҳаҳои Ғудара, Писор ва дигар деҳаҳои шомили ҷамоати деҳоти мазкур бо мардум вохӯрда, аз қонуни танзим, анъана ва ҷашну маросимҳои мардумии ҷумҳурӣ ҳарф заданд.Тавре мутахассиси бахши дини ноҳия Гулнисои Қадамен иттилоъ дод, аз қабули қонун чор сол сипарӣ шуда бошад ҳам, вале ҳанӯз на ҳамаи мардум ба моҳияту манфиати ин қонун сарфаҳм рафтаанд. Гурӯҳи корӣ ҳамчунин бо намояндагони расмии ҷамоат перомуни қонун дар бораи «Озодии виҷдон ва иттиҳодияҳои ҷамъиятӣ сӯҳбат намуд.